أنا أدير المطعم
أول تسجيل دخول، إعداد اليوم الأول، المنيو، المتجر، الفريق، المساعد الذكي، أدوات النمو والإعدادات.
1.الدخول لأول مرة
حسابك، ورابط مطعمك، وأول شاشة تشوفها
كل مطعم على فود فلو له رابط خاص بيه. مش بتدخل على صفحة عامة وتختار المطعم — بتدخل على رابط مطعمك مباشرة.
- افتح رابط مطعمك
شكله كده:
yourname.foodflo.app/dashboard— الرابط جالك في إيميل التفعيل. - سجّل الدخول بالإيميل وكلمة السر نفس الإيميل اللي اتسجل بيه المطعم. لو نسيت كلمة السر، اضغط "نسيت كلمة السر" وهيوصلك رابط.
- هتوصل على الشاشة الرئيسية فيها طلبات النهاردة، الإيراد، الأصناف الأكثر طلبًا، وقائمة تجهيز سريعة لو المطعم لسه جديد.
شاشة الدخول: إيميلك وكلمة السر، وبعدها بتروح على اللوحة على طول.
الشاشة الرئيسية بعد الدخول: قايمة التجهيز، أزرار سريعة، وأرقام اليوم.
مهم
لو ظهرت لك رسالة "الصلاحيات غير محددة" معناها إن حسابك اتعمل بس لسه مش متربط بدور. كلّم صاحب الحساب يفتح
/dashboard/rolesويحدد دورك.
2.خريطة اللوحة
القائمة الجانبية مقسومة لأربع مجموعات — ابدأ من هنا
مش لازم تحفظ كل حاجة. كل قسم في اللوحة موجود جوه مجموعة، والمجموعة بتقول لك القسم ده بيخدم إيه.
| المجموعة | فيها إيه | تفتحها امتى |
|---|---|---|
| اليوم والطلبات | الرئيسية، الطلبات، التحليلات، المنيو | كل يوم |
| النمو | صفحة الروابط، الروابط الذكية، أكواد الخصم، برنامج الولاء | لما تعمل عرض أو حملة |
| مطعمي | الفروع، الموظفون، الأدوار والصلاحيات، مخطط القاعة، الحجوزات، وضع النادل، المطبخ، التوصيل، العملاء، النشاط | وقت التجهيز، وكل ما تكبر |
| الإعدادات | الهوية البصرية، الترجمات، إعدادات البوت، التكاملات، المدفوعات | مرة واحدة في الغالب |
اختصار
أي قسم مقفول معناه إنه في باقة أعلى. هتلاقيه تحت في القائمة جوه "افتح مميزات أكتر".
3.تجهيز اليوم الأول
خمس خطوات وتبقى جاهز تستقبل أول طلب
الشاشة الرئيسية بتوريك نفس القائمة دي وبتشطب الخطوة أول ما تخلصها. اعملهم بالترتيب — كل خطوة بتعتمد على اللي قبلها.
- ارفع الشعار والألوان
/dashboard/branding— الشعار والألوان بيظهروا في المنيو، الفاتورة، وصفحة الروابط. - اعمل أول قسم في المنيو
/dashboard/categories— زي "مشويات"، "مشروبات"، "حلويات". القسم لازم يتعمل قبل الصنف. - ضيف أول صنف
/dashboard/menu— الاسم، السعر، الصورة، والقسم. الصورة بتفرق كتير في المبيعات. - اضبط مواعيد العمل والفرع
/dashboard/branches— العنوان، التليفون، ومواعيد الفتح والقفل لكل يوم. برّه المواعيد دي المنيو بيقفل الطلب أوتوماتيك. - اطبع كود QR
/dashboard/qr— نزّل الكود وحطه على الترابيزات. العميل يمسحه ويطلب من موبايله على طول.
قايمة الـ 5 خطوات بتفضل قدامك لحد ما تخلّصها.
شاشة المنيو — الأقسام على الشمال والأصناف جواها.
5.المنيو من عين العميل
جولة حقيقية في منيو demo.foodflo.app
دي لقطات حقيقية من المطعم التجريبي. أي حاجة بتظبطها في اللوحة بتظهر هنا على طول — فلو عايز تتأكد إن التعديل نزل صح، افتح المنيو زي ما العميل بيفتحه.
افتح رابط المنيو. أعلى الصفحة اسم المطعم وبياناته وأزرار البحث والسلة وتغيير اللغة.
شريط الحكايات، شريط الولاء، وكروت الأقسام — كلهم بيتظبطوا من اللوحة.
كارت Hot Deals بيجمع عروض اليوم في مكان واحد، وجنبه Reserve a table للحجز من غير طلب، وBuild Your Own للصنف اللي العميل بيركّبه بنفسه.
عدد العروض بيتحدّث لوحده من أكواد الخصم والعروض الشغالة.
لما العميل يدوس على قسم — Burgers مثلاً — بيتفتح جواه أصناف القسم بصورها وأسعارها، ومنها بيختار الصنف ويضيفه للسلة.
ترتيب الأصناف هنا هو نفس ترتيبك في /dashboard/menu.
زرار البحث بيدوّر في المنيو كله بالاسم — العميل مش محتاج ينزل بالصفحة.
البحث بيشتغل بالعربي والإنجليزي حسب اللغة المفتوحة.
زرار العلم فوق بيبدّل اللغة بين العربي والإنجليزي — والصفحة بتقلب اتجاهها كلها.
الأسماء والأوصاف بتيجي من ترجماتك في /dashboard/translations.
شريط الحكايات فوق زي ستوري إنستجرام — والعروض بتتعرض جواه. كارت Hot Deals بيفتح نفس الحكاية.
العروض دي هي نفسها اللي بتعملها في /dashboard/offers.
شارك المنيو بينسخ الرابط، وطلب جماعي بيفتح طلب مشترك: كل واحد بيضيف من موبايله والأسماء بتظهر على الطلب.
الطلب الجماعي بيقفل لوحده بعد 30 دقيقة من غير حركة.
كارت Reserve a table بيفتح فورم حجز من غير أي طلب — الحجز بيوصلك في /dashboard/reservations.
لو عندك أكتر من فرع، العميل بيختار الفرع من نفس الفورم.
الصنف بيفتح بصورته ووصفه وسعره وزرار Add to Order، وجواه الإضافات والاختيارات لو ظابطها.
الإضافات بتتظبط من /dashboard/customizations.
السلة بتفتح من الجنب: الأصناف، اقتراحات You might also like، والحساب مفصّل — ضريبة وتوصيل.
الاقتراحات بتتحسب أوتوماتيك من الطلبات اللي فاتت. 11. صفحة إتمام الطلب: توصيل ولا استلام، بيانات العميل، كود الخصم، ونقاط الولاء — كلها في شاشة واحدة.
لاحظ زرار «احجز طاولة بدلاً من ذلك» — نفس الصفحة بتقدر تتحوّل لحجز. 12. وكل اللي فات ده بيشتغل على الموبايل بنفس الشكل — وده اللي 90% من عملائك هيشوفوه.
مفيش تطبيق يتحمّل — رابط واحد بس.
جرّبها بنفسك
قبل ما تبعت الرابط لعملائك، افتحه من موبايلك واطلب طلب تجريبي — هتشوف الطلب داخل في /dashboard/orders في نفس اللحظة.
6.الفروع والفريق
مين يشوف إيه، ومين يشتغل فين
- ضيف الفرع
/dashboard/branches— لكل فرع عنوان ومواعيد ومنطقة توصيل خاصة بيه. - اعزم الموظف
/dashboard/staff— بالإيميل. هيوصله رابط يفعّل بيه حسابه. - حدد الدور والصلاحيات
/dashboard/roles— الكاشير يشوف الطلبات بس، الشيف يشوف المطبخ، المدير يشوف الأرقام. من غير دور الموظف مش هيدخل. - ارسم القاعة
/dashboard/floor-plan— الترابيزات وأرقامها. ده اللي بيخلي وضع النادل والحجوزات يشتغلوا.
الفروع: كل فرع بمواعيده ومنطقة توصيله.
الأدوار والصلاحيات: كل موظف بياخد دور، والدور بيحدد يشوف إيه.
محرّر مخطط القاعة — بترسم الترابيزات مرة واحدة وتفضل شغالة.
7.اسأل مطعمك
شريط السؤال اللي فوق الشاشة الرئيسية — بيجاوبك بأرقامك وينفّذ اللي تطلبه
أول حاجة فوق الشاشة الرئيسية شريط مكتوب فيه «اسألني أي حاجة عن شغلك». دي مش شات عادي: المساعد شايف بيانات مطعمك — الطلبات، المبيعات، المنيو، المخزون — فبيجاوب من واقع أرقامك انت، ولو طلبت منه يغيّر حاجة بيغيّرها في اللوحة على طول.
افتح الرئيسية. فوق خالص هتلاقي شريط السؤال، وجنبه اختصارات جاهزة: الطلبات المفتوحة، مسودة مش منشورة، الأكثر مبيعًا، اعمل عرض.
الاختصارات دي بتتغيّر لوحدها حسب حالة مطعمك دلوقتي.
اكتب سؤال حقيقي — «بعت بكام النهاردة؟» — والشريط بيفتح على مساعد كامل جوه نفس الصفحة، والرد بيجي بالأرقام وبرسم بياني، مش كلام عام.
تحت الرد أزرار سريعة: طلب جديد، الصالة، إقفال صنف، التقارير، الموظفين، أكواد QR.
وممكن كمان تطلب منه ينفّذ: «اقفل عصير المانجا» — والمساعد بيعمله فعلًا في المنيو ويأكّدلك. لو عايز شغل أطول، AI Assistant من القايمة بيفتح نفس المساعد بشاشة كاملة.
تبويب Chat للسؤال، Settings للموديل والمفتاح، وConnector لربطه ببرامج تانية.
شوفها وهي بتشتغل
بيرد بأرقامك
مبيعات اليوم، أكتر صنف، متوسط الطلب — من غير ما تفتح التقارير.
بينفّذ مش بس بيتكلم
«اعمل خصم ويك اند على أكتر صنف بيتباع» — بيجيبلك الصنف ويكمّل العرض معاك.
بيقترح، وانت توافق
اسأله «إيه اللي أعمله عشان أزوّد طلبات النهاردة؟» — بيبص على أرقامك ويقترح خطوة تنفّذها.
عربي وإنجليزي، ومفتاحك مجاني
اكتبله بالعربي أو بالإنجليزي. كل رسالة رصيد واحد على مفاتيح فودفلو — ومجانية بالكامل بمفتاحك في Settings.
8.تكبير المبيعات
الأدوات اللي بتجيب طلبات جديدة وترجّع العميل تاني
صفحة الروابط
لينك واحد يتحط في البايو: المنيو، طلب خاص، تواصل، إنستا باي — وبتشوف الشكل النهائي وانت بتعدّل.
الروابط الذكية
رابط لكل حملة، وتشوف كل رابط جاب كام زيارة وكام طلب.
أكواد الخصم
نسبة أو مبلغ ثابت، بحد أدنى للطلب وتاريخ انتهاء.
برنامج الولاء
نقاط على كل طلب، والعميل يستبدلها بخصم.
العروض
عرض على صنف أو على الطلب كله، بيظهر في أول المنيو.
أكواد QR
كود لكل ترابيزة، العميل يمسحه ويطلب من مكانه.
وبعدين تقرر بإيه؟
التحليلات بتوريك الإيراد، متوسط قيمة الطلب، أكتر الأصناف مبيعًا، وساعات الذروة — منها تقرر العرض الجاي يبقى على إيه.
9.إعدادات تعملها مرة
الدفع، البوت، والتكاملات
المدفوعات
الدفع بالكارت أونلاين، وكمان الطرق المحلية: كاش عند الاستلام، إنستا باي، فودافون كاش.
إعدادات البوت
بوت الواتساب اللي بيرد على العملاء وبياخد الطلب — رسالة الترحيب واللغة.
التكاملات
ربط بأنظمة تانية — محاسبة، توصيل، أو نظام كاشير قايم.
الهوية البصرية
الشعار، الألوان، والتاج لاين — كل ده بيظهر في صفحة المنيو على طول.
الحجوزات
استقبل حجز ترابيزة من صفحة المنيو، وتأكيده من هنا.
العملاء
كل عميل وطلباته وآخر مرة طلب — أساس أي حملة رجوع.